गोठ झंगलू मंगलू के

🎴 🔊 🙉 🎴 🔊

☹️ झंगलू :- भइया मंगलू , बैन से डीजे वाला मन बिक्कट नाराज चलत हें * परिवार कइसे चलहि ? प्रशासन से सवाल करत हें । मोला लगथे , ये मामला में लेडिज मन ला भी पहल करना चाहिए * जउन कार्यक्रम में डीजे बजहि( निर्धारित डेसीबल से जादा )ओमा शामिल नइ होवन , बोलना चाहिए

😡 मंगलू :- यही ला तो बोलथें ,चोरी अउ सीनाजोरी ? अपन परिवार चलाय बर दुसर के परिवार ला परेशान करत हें * खुद ला जिंदा रखे बर दूसर ला मारत हें । देख लेबे झंगलू , यहू मामला में नेतागिरी होहि * बैन ला खतम करवाय बर कोई न कोई नेता सामने आहि । पहिलि भी अइसे हो चुके हे * डीजे वाला मन के समर्थन में जाने माने नेता मन सड़क में उतरे चुके हें । लेडिज मन कुछ पहल करहिं , तोला काबर अइसे लगथे ? * वो मन तो खुद कूद – कूद के उत्ता – धुर्रा नाचथें , वो मन ला नाचत देख के डीजे हा अउ जोर जोर से बाजथे

विजय मिश्रा 

🙃 😬 😇 🤫 🤦🏻‍♂️