🇵🇰 🥷🏿 🤔 🥷🏿 🇵🇰
🫢 झंगलू :- भइया मंगलू , तैं बोलत रहेस कि भारत के हर तैयारी के पल-पल के जानकारी पाकिस्तान ला मिलत हे ** का रणनीति बनत हे , कहां बनत हे अउ कोन बनावत हे , सब पता चलत हे । पाकिस्तान के खुफिया तंत्र इतना मजबूत हे ?
😡 मंगलू :- पाकिस्तान के खुफिया तंत्र मजबूत नइ हे झंगलू , हमर मीडिया तंत्र धूर्त हे ! पाकिस्तान ला जरुरत ही नइ हे खुफिया तंत्र के * हमर मीडिया तंत्र ही ओखर मन के खुफिया तंत्र हे । सरकार के हर तैयारी अउ सेना के हर गतिविधि के जानकारी मीडिया वाला मन लाइव दिखावत हें * भारत हा का रणनीति बनावत हे , प्रधानमंत्री , गृहमंत्री अउ रक्षामंत्री कहां जावत हें , कहां बैठक करत हें , काखर से मिलत हें , सेना कहां-कहां मूवमेंट करत हे , जंगी जहाज कहां जावत हें , कहां मिसाइल परीक्षण होवत हे ? न्यूज़ चैनल वाला मन सब दिखावत हें । स्टूडियो में बइठ के वार रूम चलावत हें * कुछ भी डिबेट करावत हें , पाकिस्तानी मन ला बइठा के भारत ला गाली खिलावत हें । आखिर में , सरकार ला मीडिया वाला मन बर एडवाइजरी जारी करना पड़त हे * लेकिन , वो मन ला रत्ती भर भी लाज शरम नइ आवत हे
विजय मिश्रा
🗣️ 🖥️ 📹 🎤 🗣️
